Kryeministri Edi Rama zgjeron kanalet e tij të propagandës. Së fundit ERTV nuk është më televizion, por edhe një portal informativ. Nën domainin Ertv.eu është krijuar një portal ku pasqyrohen lajme të ndryshme nga aktualiteti në vend. Natyrisht që linja editoriale është ajo që i intereson kryeministrit. Nuk dihet nëse Rama e ka të regjistruar këtë portal, ashtu sikundër kërkoi regjistrim pak kohë më parë për portalet e tjera të vendit. Kryeministri i shqetësuar për lajmet e rreme, për shpifjet siç thotë ai, është vetë i pari që ka krijuar një sistem propagande që prodhon përditë ‘fake news’. Një seri portalesh dhe hapësirash të tjera online prodhojnë përditë përmbajtje informative në funksion të propagandës së Ramës.
©LAPSI.al
