Derbi i Torinos ka përfunduar por jo polemikat. Urbano Cairo është kthyer të flasë për derbin dhe arbitrat, saktësimin mbi konceptin e varësisë psikologjike ndaj Juventus që ka shpërthyer debatin: "Kur kam folur për varësi psikologjike kunddrejt Juventus, i referohesha faktit që duke ekzaminuar 12 derbit e fundit, në të paktën tetë jemi penalizuar. Nëse nuk është varësi, qenkemi të pafat" tha presidenti i Torinos.
Cairo më pas foli për mundësinë që sesioni dimëror i merkatos të zgjatet deri në 31 janar (momentalisht e fiksuar deri në 18 janar): "Jam në favor të kësaj, por nuk e shoh si dicka fondamentale. Gjëja e drejtë është që merkato në Itali të jetë e barabartë me të tjerat në Europë".
