Seanca plenare në Kuvendin e Shqipërisë u ndërpre një orë, pas incidentit që ndodhi mes kryeministrit Rama dhe deputetit demokrat Endri Hasa. Pasi goditi me vezë kryeministrin, Hasa refuzoi të nxirrej jashtë prej shërbimeve të gardës.
Kryetari i Kuvendit, Gramoz Ruçi, duke cituar rregulloren e Kuvendit u shpreh se në momentin që deputeti nuk lejon që shërbimet e gardës të zbatojnë urdhrin duke e nxjerrë jashtë deputetin në fjalë, atëherë mblidhet Byroja e Kuvendit në një mbledhje të menjëhershme.
Aty shqyrtohet kërkesa e kryeparlamentarit Ruçi, e cila siç ai citoi, është për përjashtimin me 10 ditë nga seancat plenare dhe komisionet parlamentare të deputetit Hasa.
