Kryetari i Kuvendit të Shqipërisë, Gramoz Ruçi pasi rinisi seancën parlamentare për të dytën herë u detyrua ta ndërpresë sërish për shkak se deputeti i PD-së, Endri Hasa, refuzoi të largohej nga salla, pasi u përjashtua për 10 ditë me vendim të Byrosë së Kuvendit.
Në momentin që Ruçi i kërkonte kreut të Grupit Parlamentar të PD-së, Edmond Spaho, që të kontribuojë që deputeti Hasa të lerë sallën, u ngatërrua duke thënë Byroja e Partisë në vend të Byrosë së Kuvendit.
“Do ta jap fjalën sapo të largohet deputeti në zbatim të vendimit të byrosë së partisë, … të Kuvendit”, tha Ruçi, duke e bërë të gjithë opozitën të qeshi.
