Ndryshimet e miratuara ditën e djeshme nga Kuvendi, sa i takon ligjit për “Policinë e Shtetit” janë përshëndetur nga Ministri i Brendshëm, Sandër Lleshi.
Lleshi shprehet se Policia e Shtetit ka hapur dyert e Akademisë së Sigurisë për studentët ekselentë të fushave: ekonomi, financë, informatikë, elektronikë dhe jurisprudencë.
“Policia e Shtetit hap dyert e Akademisë së Sigurisë për studentët që kanë përfunduar me rezultate të larta në ekonomi, financë, informatikë, elektronikë dhe jurisprudencë.Të diplomuarit universitarë do të integrohen në strukturat e hetimit në Policinë e Shtetit, pasi të kalojnë një periudhë arsimimi e trajnimi në Akademinë e Sigurisë”, u shpreh Lleshi.
