Shqipëria është një prej vendeve me informalitetin më të lartë në tregun e punës. 39% e tregut është informal. Vendi që mban rekordin në rajon për informalitet në treg është Kosova, me 81%. Turqia gjihashtu ka një shkallë tepër të lartë informaliteti, plot 75%. Në Serbi puna informale llogaritet në masën 51%. Mali i Zi, njëlloj si Shqipëria ka 39% të tregut informal. Në Maqedoni dhe në Bosnje Hercegovinë puna informale është respektivisht 30 dhe 37%. Në Bullgari, i cili është vend anëtar i Bashkimit Europian, puna informale llogaritet në masën 27%. Në Ballkan, shkallën më të ulët të informalitetit e ka Kroacia me rreth 19%.
Këto ishte një nga gjetjet e prezantuara gjatë workdshopit të organizuar nga Platforma për Punësim dhe Çështjet Sociale e Këshillit Rajonal për Bashkëpunim (RCC).
Ky është një projekt që implementohet prej tre vitesh nga RCC në vendet e rajonit. Projekti është financuar nga Fondet rajonale dhe përfitues kanë qenë ministritë respektive në vendet e rajonit, shkruan revista Monitor.
Ekzistenca e ekonomisë informale dhe punësimi jo formal është identifikuar nga Komisioni Europian dhe nga agjencitë e tjera ndërkombëtare si barrierë për të mundësuar prosperitetin ekonomik në Shqipëri.
Rezultat i kësaj pune tre vjeçare ka qenë hartimi i një raporti për Shqipërinë ku identifikohen shkaktarët e punës së padeklaruar, kornizën institucionale dhe qasjen e politikave aktuale.
Raporti tregon se ekonomia informale në Shqipëri po trajtohet deri në një farë mase në Shqipëri duke luftuar evazionin fiskal dhe promovimin e përmbushjes së detyrimeve fiskale, por si ekonomia informale dhe punësimi informal nuk po trajtohen në mënyrë gjithëpërfshirëse.
Në fund raporti paraqet disa rekomandime kyçe për trajtimin dhe adresimin e problemeve.
