Një 40-vjeçar akuzohet se ka goditur një punonjëse të Bashkisë së Elbasanit. Shtetasi me iniciale A.S, banues në lagjen “5 Maji”, në Elbasan është arrestuar. Ndaj 40-vjeçarit rëndon akuza e “goditjes për shkak të detyrës”.
Pasi ka goditur dhe ofenduar me fjalë shtetasen M.D, 35 vjeçe, agresori është arrestuar në lagjen “Brigada 17 Sulmuese”, ku ka ndodhur dhe incidenti.
Materialet i janë referuar Prokurorisë pranë Gjykatës së Shkallës Parë Elbasan, për veprat penale, “Goditjet për shkak të detyrës”, “Kanosja për shkak të detyrës”.
