Kryeministri Edi Rama është përgjigjur për një nga shqetësimet e ngritura gjatë protestës së studentëve në lidhje me plagjiaturat e doktoraturave.
“U miratua VKM për kontrollin e plagjiaturës dhe kaloi pr/ligji për kodin e sjelljes për kërkimin shkencor që adreson në mënyrë precize një problematikë komplekse dhe ju jep mundësi të gjithëve të përfshihen në konsultimet publike. Do të krijohet një arkiv dixhital i doktoraturave pranë MASR. Brenda 60 ditëve do të depozitohen kopje të njehësuara të origjinalit dhe kopjes. Ministria të kryejë përmes RASH-it kontrollin për plagjiaturë përmes kontrollit automatik. Ministria ia përcjell institucionit të arsimit të lartë, më pas i takon këtyre të fundit të bëjnë rivlerësimin, pra ky është procesi mekanik. Gjykimi akademik i takon universiteti. Brenda 90 ditëve do të vihen në dispozicion gjetjet e plagjiaturave”-tha Rama.
