Prokuroria e Krimeve të Rënda ka kërkuar burgim të përjetshëm për Fadil Kasemin.
Kasemi vrau më 31 gusht të vitit 2017, ish-bashkëshorten, gjyqtaren Fildez Hafizi, e cila në atë moment sapo kishte dalë nga parukeria.
Fadil Kasemi, iu afrua viktimës duke e goditur me një plumb pas koke. Ai dhe gjyqtarja kishin dy fëmijë së bashku. Fëmijët mohojnë kategorikisht një takim me të atin.
Kasemi ka treguar se marrëdhënia e tij me ish-bashkëshorten ishte shumë e mirë deri në momentin që ajo fitoi të drejtën e studimeve në shkollën e magjistraturës. Sipas tij, motivi i vrasjes ka qenë mosmirënjohja e ish-gruas së tij dhe devijimi i sjelljes së saj në marrëdhënien bashkëshortore.
Pas vrasjes së gjyqtares, u zbuluan edhe disa skandale të drejtësisë. Kasemi kishte tentuar dhe në 2015-ën të vriste bashkëshorten, por qe ndaluar prej fëmijëve. Ai ishte dënuar nga Gjykata asokohe vetëm për arëmbajtje pa leje dhe plagosje të lehtë, por jo për tentativë vrasje.
