Jonida Maliqi me këngën “Ktheju tokës” është shpallur fituesja e edicionit të 57-të të Këngës në RTSH. Kjo këngë me tekst të Eriona Rushitit do të na përfaqësojë vitin e ardhshëm në Eurovision.
E ftuar në emisionin “Trokit” ditën e sotme Jonida foli për emocionet pas fitores në këtë kompeticion të rëndësishëm shqiptar dhe ndër të tjera këngëtarja zbuloi se kënga e saj do të këndohet shqip në Izrael.
Jonida tha se pas disa diskutimeve me stafin e saj, ata vendosën që këngën përfaqësuese ta çonin në Eurovision në gjuhën shqipe, ashtu siç u krijua.
Mesa duket pas suksesit të Eugent Bushpepës vitin e kaluar në Eurovision i cili gjithashtu këndoi shqip edhe Jonida do të ndjekë hapat e tij.
