Jessie J është prekur shumë nga vdekja e papritur e bodigardit të saj, prandaj mori një vendim për këtë fillim viti.
Këngëtarja britanike ka bërë një postim në Instagram ku njofton largimin nga rrjetet social.
“Po e nis vitin me disa gjëra të papritura personale. Kjo më ka bërë që të jem më prezente në jetën time. Të kaloj më shumë kohë me njerëzit që i dua dhe të kem kohë për veten. Kur të godet mërzia, është e rëndësishme që ta përqafojmë në mënyrë që të mos na definojë. Duhet të praktikoj me veten për atë që flas kur dal në skenë me muzikën time.
Kështu që do të pushoj pak nga rrjetet sociale. Jo përgjithmonë, por për disa kohë. Që nga tani, cdo gjë që do postohet do jetë nga skuadra ime dhe do ketë lidhje vetëm me punën. Unë dua të jetoj cdo cast aq sa mundem dhe nuk mund ta bëj nëpërmjet telefonit”, ka shkruajtur Jessie.
