Në një përpjekje për të treguar se qeveria punon edhe të dielën e parë të janarit, Edi Rama ka thirrur ministrat dhe ish-ministrat e shkarkuar së fundmi mëngjesin e sotëm nën thirrjet e protestuesve në Labinot të Elbasanit.
"Qeveri e krimit." dhe "Rama ik!" - dëgjohen protestuesit jashtë restorantit të blinduar nga forca të shumta sigurie.
Takimi pason të tjerë të këtij formati, mbajtur vitin e kaluar në qarqe të tjera, si Shkodër, Dibër, Vlorë. Të pranishëm janë edhe kryeparlamentari Gramoz Ruçi, edhe kreu i grupit parlamentar socialist, Taulant Balla.
Takimi i qeverisë po zhvillohet me dyer të mbyllura. Një pjesë e ministrave të propozuar nga Rama, ende nuk janë dekretuar nga presidenti Ilir Meta, i cili po merr kohë për të shqyrtuar figurat e tyre. Meta nuk ka dekretuar derimë tani as shkarkimin e ministrit të jashtëm Ditmir Bushati, duke mbajtur pezull për një javë marrjen e këtij vendimi.
Takime të mëparshme të këtij formati janë shoqëruar nga heshtja e ministrave pjesëmarrës, ndërsa Rama vetë ka lajmëruar nëpërmjet rrjeteve sociale vendimet që janë marrë paraprakisht në to.
©LAPSI.AL
https://www.youtube.com/watch?v=2EBzsvTQodY&feature=youtu.be
https://www.youtube.com/watch?v=ZwweQj-o0A8&feature=youtu.be
