Kthjellime dhe vranësira të herë pas hershme do të ketë në të gjithë territorin gjatë orëve të para të ditës së sotme.
Në zonat malore vranësirat paraqiten më të dendura. Pasditja sjell shtim të tyre, fillimisht në zonat malore dhe gjatë natës shtrihen në të gjithë vendin, duke gjeneruar reshje shiu e dëbore.
Sipas MeteoAlb, temperaturat e ajrit ulen në mëngjes, por rriten në mesditë duke luhatur vlerat ekstremale ditore nga -12°C në 10°C.
Era do fryjë e lehtë dhe mesatare, me shpejtësi 28 km/h nga drejtimi lindor-verilindor, duke krijuar në det dallgëzim 2 ballë.
