Pezullohet mësimi në disa shkolla për shkak të reshjeve të borës gjatë dy ditëve të fundit. Zyra e Arsimit ka marrë vendimin që në rrethin e Librazhdit të pezullohet mësimi në të gjitha shkollat.
Ndërkohë që Rrethi Elbasan nuk zhvillon mësim ne 4 shkolla nga 98 qe ka gjithsej. Nuk zhvillohet mësim në shkollat “Ibrahim Bozhiqi” Qafe ,"Guri i Zi", Qarret, dhe Shmil sepse është rruga e bllokuar. 312 nxënës gjithsej zhvillojnë mësim në këto shkolla.
Në Gramsh nuk zhvillohet mësim vetëm në shkollën “Tahir Sadiku”, Lenie për shkak të rrugës së bllokuar. Të gjithë shkollat e tjera zhvillojnë mësim normalisht.
Rrethi i Peqinit zhvillon mësim në të gjitha shkollat.
Në 3 shkolla, “Zinim Magani”, Pajove e Gjocaj, zhvillohet mësim me orar të reduktuar për shkak të mungesës së ngrohjes.
