Gazetarët profesionistë dhe deputetët e opozitës u shprehen kundër paketës antishpifje të propozuar nga kryeministri Rama.
Në një tryezë të organizuar nga Partia Demokratike për lirinë e medias, kreu i opozitës Lulzim Basha u shpreh se kreu i qeverisë Rama kërkon të censurojë fjalën e lirë me ligj.
Drejtuesit e mediave dhe gazetarët, të cilët preken drejtëpërndrejtë nga paketa antishpifje ngriten alarmin për situatën totalitare në të cilën kërkon ta fusë qeveria median në Shqipëri.
Organizatat e medias kërkuan që tregu mediatik duhet të vetërregullohet dhe jo të vendosen penalizime pa vendim gjykate.
Ligji për antishpifjen i përgatitur nga qeveria shqiptare po konsultohet me grupet e interesit dhe pritet që me nisjen e sesionit parlamentar të kalojë në Kuvend për tu miratuar.
