Parandalohet përshkallëzimi i një konflikti prej policisë së Lushnjes. Arrestohet një 55-vjeçar, i cili ka ushtruar dhunë në familje duke marrë dhe armën për të qëlluar të atin.
Për shkak të ndërhyrjes së shpejtë të policisë është shmangur përshkallëzimi i mëtejshëm i konfliktit, i cili mund të përfundonte me vrasje. Policia i ka bllokuar 55-vjeçarit edhe një armë zjarri të mbushur me fishekë.
Materialet do i kalojnë Prokurorisë pranë Gjykatës së Shkallës së Parë Lushnje për veprat penale “Dhunë në familje” dhe “Prodhim dhe mbajtje pa leje e armëve luftarake dhe municionit”.
