Ish deputetja dhe ish ministrja e jashtme, Arta Dade thotë se Gent Cakaj nuk është kandidaturë e Partisë Socialiste, por e oborrit të kryeministrit Edi Rama.
E ftuar në emisionin ‘A Show’ me Adi Krastën në News24, Dade u shpreh se pavarësisht se nuk është aktive në media, ajo merr pjesë në forume dhe konferenca të ndryshme.
“PS duhet të riorganizohet. Më vjen keq për kreun e grupit parlamentar të PS, Taulant Balla që tha sot Gent Cakaj është kandidature e PS dhe prandaj është emëruar për ministër të jashtëm. Ai nuk është kandidaturë e PS, por nga oborri i Ramës. Unë nuk jam në Kuvend prej disa kohësh, por marr pjesë në konferenca. Të heshtësh do të thotë të mos bësh detyrën ndaj vendit. Nuk do hesht më”- tha Dade.
