“Super Bowl” është një nga eventet më të rëndësishme të vitit në Amerikë, që bashkon të pasionuarit mes sportit dhe muzikës. Ndërsa është bërë i njohur vitet e fundit edhe në Shqipëri, tashmë zbulohen emrat e këngëtarëve që janë konfirmuar se do të performojnë në skenën që krijohet në mes të fushës së futbollit. Maroon 5 u përfol që në 2018-n, se do të jetë performuesi kryesor i shfaqjes. Tashmë konfirmohet se ai bashkë me reperet Travis Scott, të dashurin e Kylie Jenner dhe Big Boi, janë tre prej të ftuarve. Por zgjedhja e këngëtarëve është shoqëruar me debate. Që nga 2016-ta, disa sportistë amerikanë kanë refuzuar që të qëndrojnë kur luhet himni kombëtar gjatë lojërave të Ligës Kombëtare të Futbollit, si protestë kundër trajtimit në mënyrën e gabuar të njerëzve me ngjyrë në SHBA. “Super Bowl” është një nga eventet më të ndjekura në botë, pasi mbi 100 milionë njerëz e panë shfaqjen e Justin Timberlake në 2018-n.
