Selena Gomez i lajmëroi fansat e saj se do të bënte një pushim në rrjetet sociale e në fakt e mbajti fjalën. Ajo që nga shtatori nuk kishte postuar asgjë në profiling e saj në Instagram. Por vetnjë ditë më parë ajo e ka thyer akullin me një urim për ndjekësit e saj për vitin e ri edhe pse disa ditë me vonesë. Ajo i ka falenderuar ata për mbështetjen dhe dashurinë e tyre.
““Ka kaluar kohë që kur nuk keni dëgjuar nga unë, por dua t’ju uroj të gjithëve një vit të ri të lumtur dhe t’ju falënderoj për dashurinë dhe mbështetjen tuaj. “Viti i kaluar ishte patjetër një vit i vetë-reflektimit, sfidave dhe rritjes. Gjithmonë janë ato sfida që ju tregojnë se kush jeni dhe çfarë jeni në gjendje të kapërceni. Më besoni, nuk është e lehtë, por unë jam krenare për personin që po bëhem dhe pres me padurim vitin e ardhshëm.”
