Një deklaratë e fortë ka ardhur nga kryetari i Partisë Demokratike Lulzim Basha, pasi ka dalë nga seanca e jashtëzakonshme ku u votuan dekretet e Presidentit për ministrat. Lideri i PD-së quajti tradhëtar të gjithë ata që i shërbejnë kryeministrit dhe mbështesin atë. Basha i bëri thirrje të gjithë qytetarëve për të rrëzuar Ramën.
“Hajdut psikik që i dha sot dërrmën e fundit Kuvendit. Nuk mund të vazhdojë më kjo gjendje. Shqipëria nuk mund ta durojë më këtë gjendje. Ndaj detyra jonë është të jemi në krahë të këtyre njerëzve. Çdo ditë me Ramën kryeministër është ditë krize. Çdokush që i shërben me vetëdije apo pavetëdije vazhdimit për çdo ditë të vetme të qëndrimit të Ramës kryeministër është tradhtar. Pavarësisht nëse është një analist apo oligark, të gjithë duhet të trajtohen tradhtarë. E sotmja është shpallja luftë opozitarizmit dhe parlamentit. Ne si opozitë duhet të mobilizohemi me të gjitha resurset. Thirrje çdo shqiptari të ndershëm për të rrëzuar me çdo kusht shkaktarin e kësaj emergjence”, deklaroi kreu i PD.
