Në kohën kur gjyqtarja Miliana Muça është tërhequr për të marrë vendimin e masës së sigurisë për Klement Balilin, gazetarja Klodiana Lala e ka pyetur “Eskobarin e Ballkanit” në lidhje me disa materiale kompromentuese të disa zyrtarëve të lartë, për të cilat flitet se i ka ai.
“Nuk disponoj asnjë provë të tillë”, është përgjigjur Balili. Gazetarja Lala e ka pyetur dhe në lidhje me deklaratat e ish-ministrit të Drejtësisë Ylli Manjani, i cili është shprehur se Balili ka materiale kompromentuese.
“Nëse Manjani ka prova të tilla le t’i nxjerrë, unë nuk kam”, është shprehur i akuzuari për trafik droge, duke mos pranuar edhe një herë se disponon materiale të tilla.
