Një operacion i madh është zhvilluar në Tiranë, ku 13 persona janë arrestuar, ndërsa 12 të tjerë janë shpallur në kërkim për evazion fiskal.
Për operacioni reagoi edhe kryeministri Rama përmes një postimi në ‘Facebook’, ku theksoi se ulja e taksave synon dhe uljen e informalitetit dhe evazionit fiskal.
Po ashtu ai pohoi se arrestimi i një dyzine shkëlësish është mesazh i qartë: ‘Mos luani me taksat se ju gjen belaja’.
“Ulja e taksave e lehtësimi tërësor i biznesit,synojnë dhe uljen e informalitetit dhe evazionit fiskal!Arrestimi i një duzine shkelësish dhe shpallja në kërkim e një tufe tjetër nga biznesi i madh,për mashtrim me taksat, është mesazh i qartë:Mos luani me taksat se ju gjen belaja?”, shkruan Rama.
Firmat e krijuara të këtyre personave lëshonin fatura fiktive për tu rimbursuar me TVSH, duke i shkaktuar buxhetit të shtetit një dëm prej 18 miliardë lekësh.
Raportohet se operacioni është ende në vijim.
©Lapsi.al
