Këngëtarja e njohur ka postuar një foto pa make-up në profilin e saj në Instagram si një mënyrë për të ndërgjegjësuar të gjithëve ta duan veten ashtu sikurse janë, me gjithë “defektet”.
“Këtë vit qëllimi im është të dua veten… ashtu siç jam, shkatarraqe dhe jo perfekte. Dhe të lejoj qukat e mia të jetojnë”, shkroi ajo në mbishkrimin e fotos ku binin në sy qukat e saj .
“Po është koha që të duam veten! Edhe unë të dua ty!” “I dua qukat e tua. Do të doja të isha më e re, sepse kam kaluar vite duke i fshehur të miat, për shkak se jam tallur”- ishin disa nga komentet e ndjekëseve të saj. Kështu mesa duket, mesazhi ka arritur qëllimin të inspirojë shumë nga vajzat të cilat komentonin në postimin e publikuar nga këngëtarja.
