Roza Lati nëpërmjet Instagramit lajmëroi se po mendonte të përgatiste një këngë.
Sipas sondazhit në profilin e Rozës, shumica e ndjekësve e kanë pritur këtë pozitivisht. E kontaktuar nga Blitz.al, Roza tregoi çfarë fshihet pas këtij projekti të rëndësishëm.
“E kam patur në plan shumë kohë përpara këtë gjë, që para disa vitesh, por e kam lënë pezull duke marrë parasysh që shumë personazhe publik shqiptarë që nuk kishin lidhje me muzikën guxuan t’i futeshin muzikës. Ca u pritën mirë, ca s’u pritën mirë. Lashë sa të ikte kjo zhurma dhe thashë okay tani mund të jetë momenti.”- u shpreh ajo për zgjedhjen e kësaj periudhe për realizimin e këngës. Ajo do të bashkëpunojë me kompozitoren e njohur Diana Ziu, per një arsye: “Mendoj se çdo gjë është e shkruar. Unë kam takuar rastësisht në një event Diana Ziun, kompozitoren e vjetër Diana Ziu, që në kohën e komunizmit ka qenë femra e parë rebele shqiptare që thyente rregulla dhe s’pyeste njeri. Kështu që Diana te unë gjen veten dhe thotë:”Ti Roza je siç kam qenë unë në moshën tënde dhe kam një këngë për ty. Dua patjetër ta këndosh, duhet patjetër ta bësh.”
