A do të rikandidojë Erion Veliaj për një mandat të dytë në krye të Bashkisë Tiranë apo jo? Edi Rama vazhdon ta mbajë pezull këtë cështje. Sot gjatë një takimi në Qytetin Studenti, kryeministri u shpreh i bindur se PS do ta fitojë Bashkinë e Tiranës në zgjedhjet e 30 qershorit. Ai foli për një mandat tjetër të kryetarit të Bashkisë, por nuk përmendi emër.
“Brenda këtij mandati të gjitha konviktet do të jenë në situatë katërcipërisht ndryshe dhe ndërkohë, bashkë me Bashkinë e Tiranës do të fillojmë ndërtimin e këtij kampusi dhe brenda mandatit tjetër të kryetarit të bashkisë ne do të përfundojmë kampusin universitar”, tha Rama.
