Fëmijët e Gazmend Mustës, i cili vrau bashkëshorten e tij Gentiana Çaushaj dhe kunatën e tij Merisën, ndodhen për momentin në fshatin SOS.
Daja i fëmijëve Gjyshmir Çaushaj, bëri kërkesë disa ditë më parë për të marrë fëmijët në kujdestari.
Tashmë janë prindërit e Gazmendit ata që kanë bërë një kërkesë të tillë.
Prindërit e autorit të vrasjes së bashkëshortes dhe kunatës, Bedri Musta dhe Lumturi Musta i janë drejtuar Gjykatës së Fierit dhe kërkojnë kujdestarinë e fëmijëve.
Prindërit e Gazmend Mustës thonë se plotësojnë të gjitha kriteret për të marrë kujdestarinë dhe se kanë besim tek drejtësia për t’ua rikthyer fëmijët.
Dy fëmijët e mitur përkatësisht 10 vjeç dhe 3 vjeç aktualisht, ndodhen në fshatin SOS në Tiranë.
Ngjarja e rëndë ndodhi në datën 2 Janar të këtij viti pas një sherri mes çiftit, ku mbetën të vrara Gentjana Çaushaj, 31 vjeçare, si dhe motra e saj Merisa, 18 vjeçe.
Debati mes tyre ka nisur kur bashkëshortja i ka kërkuar 34-vjeçarit që të shkonte pranë familjes së saj bashkë me të motrën.
