Pas marrjes së detyrës së Ministrit të Jashtëm të Shqipërisë prej delegimit të këtij posti nga kryeministri Rama, Gent Cakaj ka folur rreth detyrës së tij të re përballë punonjësve të kësaj ministrie dhe vetë kryeministrit.
Fillimisht ai kujtoi faktin se u ndëshkua për shkak të moshës së tij të re, prej së cilës Cakaj pretendon se mori dhe një sërë akuzash.
“Të qenit drejtues i këtj institucioni me kompetenca të deleguara nga Rama, është një start goxha i garantuar në dritën e zjarrit të akuzave të pa baza.Delegimi i kompetencave te një ministër 28 vjeçar nuk vë në diskutim masën e qendrueshme të rezulateve dhe gamën e gjerë të suksesve që kjo ministri ka pasur. Mosha ime u konsiderua si faj dhe u përballa me një sërë akuzash.”- tha Cakaj.
Më tej, Cakaj ka vijuar duke thënë se si do të vazhdojë të shtyjë përpara procesin e Integrimit të Shqipërisë në BE, duke shtuar dhe se në politikën e jashtme shqiptare nën drejtimin e tij, nuk do të ketë ndonjë ndryshim nga ajo që ka lënë ish-ministri Ditmir Bushati.
“Ky transferim autoriteti institucional nga zoti Bushati të cilin e falënderoj tek unë nëpërmjet kryeministrit Rama të cilin nuk di si ta falënderoj nuk nënkupton asnjë ndryshim strategjish në politikën e jashtme. Ne do të vazhdojmë pa asnjë diskutim të shtyjmë më me vullnet përpara rrugën e integrimit.Shqipëria ka hyrë në një fazë të re, të intensifikimit të marrëdhënieve bilaterale.
Si edhe kryeministri Rama e ka nënvizuar ne duam të rrisim më tej komunikimin, ndërveprimin me faktorin shqiptar në veçanti. Në kohën që po vjen do jemi gjithmonë e më afër tyre sikurse ata gjithherë më afër nesh.
Kjo vëmendje e shtuar në politikën rajonale nuk duhet të lexohet si shenjë e lëshimit në axhendën evropiane” -tha Cakaj.
