Asambleja e Fakulteteve të Universitetit të Tiranës, ka përpiluar një deklaratë me 5 pika, e cila i është adresuar kryeministrit Edi Rama dhe ministres së Arsimit Besa Shahini.
Pedagogët në fund të deklaratës shprehen se në rast se nuk plotësohen kërkesat e tyre brenda datës 1 shkurt 2019, ata do t'i drejtohen të gjithë trupës akademike të universiteteve publike në nivel kombëtar, për grevë të përgjithshme.
Në deklaratën e tyre, pedagogët shkruajnë se mbështesin kërkesat e studentëve, gjithashtu kërkojnë shfuqizimin e Ligjit për Arsimin e Lartë si dhe rritjen e buxhetit në Arsim.
5 pikat e deklaratës së Fakulteteve të Universitetit të Tiranës:
- Rinkonfirmojmë mbështetjen e studentëve për kërkesat e tyre.
- Shprehemi kundër Ligjit “Për arsimin e Lartë” 80/2015, si dhe kërkojmë shprehjen e vullnetit të qeverisë për fillimin e procesit legjislativ për hartimin e një ligji të ri për Arsimin e Lartë, në bashkëpunim me studentë, pedagogë dhe aktorë të tjerë të rëndësishëm, në një proces konsultimi të hapur dhe gjithëpërfshirës.
- Kërkojmë shfuqizimin e menjëhershëm të VKM-ve të datës 26 dhjetor 2018: Nr.777, Nr.781, Nr. 783, si dhe urdhrat po të datës 26 dhjetor: Nr.183: Nr.184: Nr.185, të cilat bien në kundërshtim me autonominë universitare dhe lirinë akademike.
- Kërkojmë rritjen e buxhetit për arsimin e lartë publik, si dhe
- Ndalimin e menjëhershëm të fushatës denigruese ndaj pedagogëve dhe miratimin e statusit të pedagogut.
