Reperi i njohur si The Game ka bërë rep duke krijuar vargje me përmbajtje tepër eksplicite ndaj Kim Kardashian.
Por siç mund ta merrni me mend, ia bëri vetes!
I gjithë interneti i është vënë kundër, në veçanti Twitter, pasi komentet në rrjetin social në fjalë po bëjnë namin!
“The Shade Room” ka shpërndarë videon ku reperi këndon së bashku me një grup shokësh, duke zbuluar se ka patur marrëdhënie seksuale me Kim Kardashian.
Dukshëm, ndjekësit në Twitter kanë vërshuar me komente kundër reperit duke e konsideruar atë ç’ka ai thotë të ulët dhe të ndyrë!
“The Game po tregohet i ndyrë teksa flet për Kim Kardashian ashtu! Shumë mungesë respekti!” – ky është një nga komentet.
E ndërkohë një tjetër person shkruan: “Unë nuk jam një fans i Kim, por ajo femër është e martuar dhe ka 3 fëmijë dhe është në pritje të një të katërti! Shumë e ulët nga ana e The Game.”
Gjithashtu në vargjet e tij, reperi përmend se do të duhej të kërkonte falje duke qenë se është mik me Kanye West.
Megjithatë, faljen ai do të duhej ta kërkonte sido që të ishte puna, sepse me shumë gjasa, së shpejti mund të përballet me një padi në gjykatë për dëmtim imazhi. Paç fat The Game…
