Janë publikuar pamje dramatike të kamerave të trupit që tregojnë momentin kur një oficer policie vrau një njeri të armatosur në Oregon. Ai nxori një armë dhe e shkrepi pasi po tentohej të largohej nga shkolla e vajzës së tij. Charles Landeros, 30 vjeç, u qëllua për vdekje në kokë nga efektivi Steve Timm në hyrje të shkollës më 11 janar.
Viktima ishte përfshirë në një mosmarrëveshje për kujdestarinë e vajzës së tij dhe nuk lejohej ta takonte apo ta merrte atë. Për këtë arsye policia e njoftuar nga drejtuesit e shkollës është përpjekur që ta largojë atë me forcë nga ambientet e saj. Sapo kanë dalë në oborr, 30-vjeçari ka nxjerrë një pistoletë e ka tentuar të qëllojë ndaj dy efektivëve, por fatmirësisht plumbi nuk ka kapur asnjë prej tyre.
Në këtë moment polici Steve Timm ka nxjerrë pistoletën e tij duke qëlluar me armë ndaj Charles Landeros, duke e lënë të pajetë. Pas hetimeve veprimi i policit është cilësuar si i justifikuar dhe ndaj tij nuk është ngritur asnjë akuzë. ©LAPSI.al
https://www.youtube.com/watch?v=TJElUJ7IsZI
