Brian May, kitaristi i “Queen”, saktësoi pozicionin e grupit lidhur me performancën në ceremoninë e ndarjes së çmimeve “Oscar”, që pritet të zhvillohet më 24 shkurt, në “Dolby Theatre”, në Los Anxhelos.
Disa ditë më parë, revista angleze “Daily Express” publikoi lajmin ku thuhet se Brian May dhe Roger Taylor refuzuan ofertën për të interpretuar natën e madhe të filmave.
Përmes rrjeteve sociale, May sqaroi: “Jo! Nuk kemi refuzuar të performojmë në “Oscar”. Jemi të lumtur dhe krenarë që “Bohemian Rhapsody” ka marrë 5 nominime dhe do të jemi atje për ta mbështetur”.
