Cansu Dere, prej kohësh nuk është bërë pjesë e lajmeve 'rozë'. Aktorja ka qendruar single për një periudhë të gjatë , pas ndarjes nga Cem Yilmaz. Por, gjërat së fundmi qenkan bërë më interesante në jetën private të Cansu. Mediat turke raportojnë se ajo është duke u frekuentuar prej vetëm pak javësh me Renan Kaleli. Ata janë njohur nëpërmjet miqësive të përbashkëta dhe menjëherë kanë filluar të komunikojnë dhe të frekuentohen. Ndërkaq, lidhja e tyre është 'konfirmuar' javën e kaluar, të paktën në rrethin e tyre të ngushtë shoqëror.
