Dy persona mbetën të vdekur dhe një tjetër mbeti i plagosur në një atentat mesditën e sotme në zonën e "Ujit të Ftohtë" në Vlorë.
Personi që shihni në foto ësht Armando Sulejmani, shënjestra e dyshuar e atentatit të sotëm në Vlorë. Ky i fundit është jashtë rrezikut për jetën.
Viktimat janë Orest Rexho dhe Arjan Hasani. Orest Rexho i cili ishte kunati i Sulejmanit dhe Arjan Hasani shoku i tij, kanë qenë rastësisht me të në makinë.
[video width="1024" height="576" mp4="https://cdnimpuls.com/lapsi.al/wp-content/uploads/2019/02/vlora-1.mp4"][/video]
Dyshohet se atentatorët kanë qëlluar nga një makinë dhe më pas janë larguar me shpejtësi.
Policia ka shkuar në vendin e ngjarjes dhe ka nisur hetimet. Motivi i ngjarjes nuk është zbardhur ende.
Sipas informacioneve paraprake mësohet se autorët e ngjarjes janë larguar duke djegur edhe makinën në fshatin Babicë. Brenda makinës raportohet se janë gjetur dy armë kallashnikov.
©Lapsi.al
[video width="848" height="480" mp4="https://cdnimpuls.com/lapsi.al/wp-content/uploads/2019/02/WhatsApp-Video-2019-02-17-at-3.12.13-PM.mp4"][/video]
