Pas dyshimeve të ditëve të fundit, më në fund vjen konfirmimi, “Queen” do të performojnë në ceremoninë e ndarjes së çmimeve “Oscar”, që do të zhvillohet më 24 shkurt, në Los Anxhelos.
Këngëtari aktual i grupit britanik, Adam Lambert e dha lajmin përmes rrjeteve sociale: “Do ta ndezim skenën e “Oscar”.
Ideja erdhi pas suksesit të madh të filmit biografik “Bohemian Rhapsody”, përqendruar te jeta e Freddie Mercury-t, interpretuar nga Rami Malek, që aktualisht ka arkëtuar rreth 854 milionë dollarë dhe ka marrë 2 “Golden Globe” dhe 5 nominime “Oscar”.
