Real Madrid pret Barcelonën në gjysëmfinalen e kthimit të Kupës së Mbretit, sonte në orën 21, në një sfidë në Santiago Bernabeu që mban pezull frymën e gjithë planetit. Nuk është në lojës vetëm një kualifikim, krejt i hapur pas 1-1 të fiksuar në ndeshjen e parë, por është Real-Barcelona: pa Cristiano ronaldon, por me Lionel Messi.
Real i shkaktoi Barcelonës shumë problem në ndeshjen e vajtjes me Lucas Vazquez që hapi serinë e golave, përpara se Malcom të vendoste barazinë. Sidoqoftë, forma e tyre në La Liga ka rënë me humbjen 2-1 të marrë në shtëpi nga Girona dhe një fitore me polemika në fund të ndeshjes me Levante të dielën. Merengues kërkojnë të fitojë kompeticionin për herë të dytë që nga 1993.
Ndërkohë, Barca e ka ngritur trofeun në të katër fushatat e fundit radhazi, por për ta bërë këtë duhet të fitojë, ose barazojë me më shumë se dy gola në shtëpinë e rivalëve të mëdhenj. Ernesto Valverde shkon në Bernabeu me besimin e një fitore 4-2 kundër Sevillas dhe tregolëshit të 50 të Lionel Messi, por nga ana tjetër është vetëm fitorja e dytë në gjashtë ndeshjet e fundit në të gjitha kompeticionet. Kjo përplasje do të jetë e 100 në pankinën e Barcas për teknikun.
Në Madrid cështja kryesore është Gareth Bale, që ka shfaqur qartë pakënaqësinë e tij në klub, duke e vënë në dyshim tashmë tekniku Solari, nëse mund ti besojë uellsianit nga minuta e parë. Sergio Ramos është i sigurtë që do të kthehet titullar, pas mungesës në Levante për shkak pezullimi. Në kampin tjetër Isco është i padisponueshëm dhe Marcos Llorente vuan ende dëmtimin. Barcelona nuk do të ketë gjithashtu Arthur Melo, por Samuel Umtiti kandidon për një vend titullari, pasi u kthye kundër Sevilla të dielën, pas 3 muajsh dëmtim.
