Nuk ishte mbrëmja e duhur për Karim Benzema ajo e El Clasico. Sulmuesi i Real Madrid, përvec se humbi me Barcelonën në gjysëmfinalen e kthimit të Kupës së Mbretit, e ka gjetur shtëpinë të grabitur pikërisht gjatë ndeshjes. Hajdutët kanë përfituar nga rasti për tu futur në shtëpinë e Benzema e për momentin nuk dihet vlera e asaj që i është marrë sulmuesit francez. Lajmin e ka bërë të ditur emitenti spanjoll El Chiringuito.
Grabitja e shtëpisë së futbollistëve, ndërsa luajnë një ndeshje futbolli, ka nisur të bëhet një mënyrë "të punuari" në Spanjë. Rasti i fundit ishte ai i Kevin Prince Boateng, grabitur në shtëpi ndërsa luante një ndeshje të kampionatit kundër Valladolid.
