Mbeten akoma edhe 10 ditë nga kthimi i 1/8 të Champions League mes Juventus e Atletico Madrid, por në Spanjë ka nisur countdoën e bashkë me të edhe polemikat e dyshimet: në shenjestër të mediave iberike është dizenjatori i arbitrave në Uefa, Roberto Rosetti, që 'akuzohet' se është italian dhe torinez. "Kujdes: një torinez do të zgjedhë arbitrin e Juve-Atletico" shkruhet në faqet e As, që kujton edhe pretendimet për gabime arbitrale në vajtje, kur u anullua një gol ndaj Morata.
Pas nervozizmit për përdorimin e Var në ndeshjen e parë, tani në Spanjë e drejtojnë vëmendjen tek rreziqet që mund të vijnë nga dizenjatori i arbitrave të UEFA-s, që i është besuar arbitrit të Serie A, Rosetti. Në fakt, iberikët kanë harruar se edhe vitin e kaluar dizenjatori ishte italian (Rosetti mori vendin e Collina katër muaj më parë), por ishin bardhezinjtë që u eleminuan nga Real Madrid me penalltinë e diskutueshme për Blancos në fund të shtesës për faullin e Benatia ndaj Vazquez.
Sipas asaj që shkruhet në Spanjë, përvec dizenjatorit, Atletico është e shqetësuar edhe nga roli që presidenti bardhezi, Andrea Agnelli, ka në nivel europian, duke qenë edhe presidenti i ECA e ndër figurat më të besuara të Ceferin. Mes Var, polemikave, gjestit të Simeone e dyshimeve, Juve-Atletico ka nisur që tani e në 12 mars klima në Stadium do të jetë e zjarrtë.
