Sipas fansave, “Once Upon a Deadpool” është një rimontazh i “Deadpool 2” me një klasifikim PG-13 (i ndaluar për të miturit nën 13 vjeç jo të shoqëruar), një provë për të testuar terrenin për të prezantuar versionin PG-13 të personazhit kur të arrinte në duart e “Disney” dhe “Marvel Studios”.
“Disney” nuk mund të shpërndajë filma të ndaluar për të miturit me etiketën e vet, por mund ta bëjë vetëm përmes një kompanie tjetër të madhe. Më parë, e ka bërë këtë përmes “Miramax”. Tani, mund ta bëjë me “Fox” dhe për këtë “Deadpool” mund të qëndrojë i ndaluar për të miturit.
