Ermal Meta ka mbërritur ditën e djeshme në Tiranë për koncertin e dytë të tij, por këtë herë jo i vetëm.
Ai është rikthyer në kryeqytet për të performuar në Pallatin e Kongreseve, bashkë me disa artistë të talentuar italianë të “GnuQuartet.”
Përgjatë një interviste për “Tiranapost.al”, ylli i muzikës ka rrëfyer si nisi pasioni i tij për muzikën para rrugëtimit në Itali.
Meta ka pohuar ndër të tjera se viti i vetëm në shkollën e muzikës ishte gjatë kohës kur jetonte në Fier.
“Ka shumë njerëz që kanë studiuar vetë. Mjafton ta kesh pasion. Mamaja ime bleu një tastierë për motrën, se donte që ajo të bëhej violiniste. Por motrës nuk i interesonte fare violina dhe ajo mendoi se mund t’i interesonte pianoja, ndaj dhe bleu një tastierë të vogël. Atë tastierën brenda dy ditësh e mora unë. I thashë është OK. Lëre ti se është puna ime kjo”, tha Ermal Meta.
