Legjenda e muzikës së viteve ’90, Keith Flint, u gjet i pajetë mëngjesin e djeshëm në shtëpinë e tij në Essex, në Britaninë e Madhe. Dhe të gjitha veprimet e bëra prej tij ditët e fundit dëshmojnë se këngëtari mund të bënte një veprim të tillë.
Vetëm pak ditë më parë ai e kishte nxjerrë shtëpinë në shitje, pas ndarjes nga bashkëshortja Mayumi Kai. Ata thuhet se ishin ndarë prej disa kohësh dhe Mayumi ndodhej në Japoni kur mori vesh lajmin e vdekjes së bashkëshortit të saj.
Burimet kanë thënë për “The Sun”, se ylli i muzikës hyri në depresion pasi martesa u shkatërrua dhe ai u detyrua të vendoste në shitje shtëpinë që dashuronte.
Flint ka luftuar më parë me depresionin dhe rrëfeu pas martesës në 2009-n se Mayumin ishte shpëtimi i tij.
Lideri i “Prodigy” në një intervistë të 4 viteve më parë për revistën FHM kishte thënë gjithashtu se një ditë do të bënte vetëvrasje.
“Gjithmonë e kam ndier se kur të përfundoj turneun do të kryej vetëvrasje. Betohem në Zot se ajo nuk është vetëvrasje, kjo është gjë pozitive. Nuk i frikësohem se kush jam, por dua kur të kthehem pas dhe të shikoj jetën time, dua të jetë e përmbushur. Kjo është e gjitha. Vetëm ditë të lumtura”, ishin fjalët e tij.
