Lidhur me protestën e opozitës së shtunën kanë lëshuar njëkohësisht dy deklarata edhe ambasada e ShBA në Tiranë edhe ajo e BE. Nëse në të dyja qëndrimet e selive diplomatike shihet një gjuhë e përbashkët për sa i përket të drejtës për të demostruar paqësisht, përparimit të reformës në drejtësi, luftës ndaj krimit të organizuar, si dhe dënimit të akteve të dhunshme, në tekstin e selisë së rrugës së Elbasanit ka një paragraf shumë më të ashpër.
Lexo më tej:
Delegacioni i BE për protestën: E patolerueshme nxitja e dhunës
“Ndërkohë që, ata ish anëtarë të Parlamentit të cilët vendosën të braktisin mandatet, hoqën dorë nga detyrimet e tyre ndaj qytetarëve shqiptarë, duhet të lejojnë ata që duan të punojnë për të ardhmen e vendit të bëjnë punën e tyre” thuhet në deklaratën e ambasadës së ShBA.
Sipas saj, i bie që opozita që dogji mandatet, po punon kundër të ardhmes së vendit dhe për atë është e angazhuar vetëm pala qeveritare.
Ambasada amerikane reagon para protestës së opozitës: Kryerja e veprimeve të dhunshme është e paligjshme
Kjo nuancë e fortë që nuk gjendet në tekstin e BE, i ngjan më shumë periudhës së parë të rikthimit të diplomatëve amerikanë në Shqipëri, kur makartisti Rayerson bënte rolin arbitrit që përcaktonte nga qëndronte e mira dhe nga e keqja. Ndërsa në deklaratën e përfaqësisë Bashkimit Europian flitet për herë të parë për një pakt kombëtar për daljen nga kriza. "Shqipëria ka nevojë për një dialog ndërpartiak për reformat më urgjente, duke përfshirë reformimin e kuadrit ligjor zgjedhor..." thuhet aty, duke theksuar se dialogu duhet zhvilluar mes partive dhe jo vetëm brenda parlamentit siç thuhej deri më tani.
Reporteri gjerman për Shqipërinë: “Edhe qeveria ka përgjegjësi për krizën”
©Lapsi.al
