Jonida Maliqi do të jetë sot e ftuar në emisionin e mikut të saj Ermal Mamaqi.
Në prag të pjesëmarrjes në festivalin evropian të këngës, këngëtarja shqiptare do të bëjë një rrëfim të sinqertë për garën, ndjesitë e të qenit fituese e Festivalit të Këngës në RTSH, por edhe për jetën private.
Në spotin e emisionit të publikuar sot nga Ermal Mamaqi, ky i fundit i bën një pyetje vërtet të papritur në lidhje me divorcin e Jonidës.
“A është bukur kur ndahesh?”, dëgjohet të thotë Ermali, ndërkohë që Jonida shtang për disa sekonda para se të përgjigjet.
Këngëtarja duket se është emocionuar nga pyetja, ndërsa përgjigjen e saj na mbetet ta mësojmë sot në darkë, gjatë transmetimit të emisionit.
Jonida Maliqi i dha fund martesës 17-vjeçare me bashkëshortin Gent Prizreni në 2017-n. Dyshja ka dhe një djalë që quhet Dan dhe që gjithnjë ka dashurinë dhe vëmendjen më të madhe të prindërve.
