Një nënë amerikane ka ngritur një padi prej 500 miliardë dollarësh kundër njerëz të përfshirë në skadalin e pranimeve të studentëve në kolegj, përfshirë edhe yllin e Hollywood, Lori Loughlin.
Jennifer Kay Toy pohon se djalit të saj iu është mohuar padrejtësisht pranimi në kolegj.
Sipas saj ‘veprimet e neveritshme’ të personave të nivelit të lartë ishin arsyeja pse fëmija i saj nuk ishte pranuar në disa universitete ku kishte aplikuar.
Aktoret Felicity Huffman dhe Lori Loughlin janë midis 33 prindërve të akuzuar për dhënien e ryshfeteve, mashtrimeve në teste dhe për kredencialeve të rreme që fëmijë e tyre të hynin në universitete të elitës.
Të enjten Loughlin u pushua nga Channel Hallmark, një rrjet televiziv ku ka punuar prej vitit 2010.
