"Los huevos" e reklamuar në arenën më të madhe të futbollit europian Champions League, në fillim nga Diego Simeone e më pas nga Cristiano Ronaldo është kthyer në një simbol trimërie dhe nuk ka vonuar të adaptohet, që nga 19 vjecari i Hajdukut të Splitit që doli nga fusha me karton të kuq e deri tek fushat e Superiores në vendin tonë, ku ndonëse gjestin Bledar Devolli nuk e bën, nuk ngurron ta thotë në transmetim direkt në tv: "Jam i lumtur për djemtë, pasi mundëm një nga skuadrat më në formë të momentit - u shpreh tekniku gjirokastrit -. E detyruam Tiranën të luante me topa të gjatë, gjë që nuk e kishte bërë ndonjëherë këtë. E treguam që jemi ekip, më fal për shprehjen, me bo*e"...
Nuk është se pritet ndonjë sanksion tashmë për Devollin, sepse pavarësisht gjetjes pak etike për të treguar burrërinë e Kastriotit të tij, në fitoren kundër Tiranës, nuk ishte kurrësesi ofensiv ndaj kundërshtarit.
