Mund të mos jetë faktori kryesor i humbjes së Milan në derbin me Inter, por tregon gjendjen psikologjike të kuqezinjve. Sherri në pankinën e Milan, gjatë ndeshjes, ka patur protagonistë Kessie e Biglia, që janë ndarë nga shokët e skuadrës. Tërbimi dhe nervozizimi duket se kanë qenë në bazë të konfliktit: lojtari nga Bregu i Fildishtë është ankuar për zëvendësimin e argjentinasi e ka ftuar të respektojë zgjedhjet e trajnerit dhe atë që hyri në lojë në vend të tij (Conti). Këtu ka shpërthyer edhe sherri, me Kessie të ngarkuar psikologjikisht duke qenë se në fushë u bë objekt i thirrjeve raciste nga tifozët interistë, por arbitri Guida nuk mori asnjë masë.
Në përfundim të ndeshjes gjithcka u zgjidh në mënyrë paqësore, me deklaratat e dhëna nga Kessie. "Kisha brenda vetes dëshirën për të fituar, dola nga fusha pak nervoz. I kërkoj ndjesë Lucas, është më i madh se unë e duhet të mësoj prej tij, i kërkoj ndjesë edhe tifozëve e trajnerit", komentoi Kessie.
Maturi edhe në deklarata ndërkohë nga Biglia, që jep versionin e tij të fakteve: "Përgjegjësi i parë jam unë, ai e di çfarë i thashë, e sqaruam mes nesh. Bëmë një figurë të shëmtuar, më vjen keq për të gjithë. Jemi këtu për ti kërkuar ndjesë shoqërisë, tifozëve e trajnerit. Më vjen rëndë, por e marr përgjegjësinë, jam më i madh dhe duhet të jem i qetë".
