Madonna po e diskuton prej muajsh për të prezantuar këngën e re të saj në “Eurovision Song Contest”, që pritet të zhvillohet në maj në Tel Aviv, ku garon edhe Shqipëria e përfaqësuar nga Jonida Maliqi.
Performanca e këngëtares amerikane në Eurovizion është në pikëpyetje, pasi kënga nuk pëlqehet. Sipas parametrave të kompeticionit konsiderohet me një mesazh të fortë politik dhe mund të shkaktojë polemika.
Por, Madonna ka qenë gjithnjë provokuese dhe me sa duket nuk i ka të gjithë kundër. Disa përfaqësues të konkursit mendojnë se Madonna duhet të ndryshojë këngë dhe disa të tjerë mbrojnë lirinë e mendimit dhe pranojnë që të performojë me materialin e paraqitur.
