Megjithëse një ditë pushimi në Shqipëri, ambasadorët e huaj kanë vërshyer në zyrën e Bashës. Pas ambasadorit britanik, Duncan Norman, ka nxituar edhe ajo gjermane, Susanne Schutz, e cila ishte takuar më parë edhe me presidentin Meta. Nuk ka diskutim se objekt i këtyre takimeve janë temat e nxehta si djegia e mandateve, dhuna e protestave të opozitës dhe mundësia e bojkotit të zgjedhjeve lokale. Por ajo që bën çudi është fakti se, megjithëse e kanë dënuar aktin radikal të PD- LSI dhe kanë përshëndetur zëvendësimin e tyre me deputetët e ligjshëm të "opozitës së re", përfaqësuesit e vendeve europiane po vazhdojnë dialogun me të dalurit nga sitemi. Pas kësaj pyetja themelore është: kë njohin ata për opozitë reale, Bashën e Kryemadhin, apo Ylli Shehun, Kujtim Gjuzin, Rafl Gjonin dhe Rudina Hajdarin?
Fakti se ata po vazhdojnë të ruajnë marrëdhënie të ngushta dhe intensive me opozitën reale, dëshmon se të gjitha deklaratat për njohjen e opozitës fasadë nuk janë veçse një përpjekje force, një tentativë e dëshpëruar për t'i zbehur tonet radikale të PD- LSI.
Pikërisht kjo sjellje tregon se deklaratat prej sharlatani të Boshardit të OSBE-së se reformat (psh ajo elektorale) mund të votohen edhe me deputetë (legjitimë) që s'përfaqësojnë më asgjë, nuk i besojnë as vetë ndërkombëtarët.
Vazhdimi i dialogut me opozitën e vërtetë po dëften edhe njëherë se edhe për diplomatët perëndimorë, as nuk ka dhe as nuk mund të imagjinohet zgjidhje e krizës pa prezencën e "radikalëve" me mandate të djegura.
©Lapsi.al
Ambasadorja gjermane Susanne Schutz duke mberritur ne mesdite ne seline e PD-se per nje takim me Bashen.
Ambasadori britanik, Duncan Norman
