Jo gjithnjë në një intervistë përgjigjet janë ato që pret. Kur pastaj në mes është futbolli dhe tifozllëku, të papriturat janë aty. E kush do ta mendonte se talenti më i madh i bardhezinjve që po mahnit edhe kombëtaren e Italisë është...interist.
Zbulimin e ka bërë Biorou Jean Kean, i ati i Moise, sulmues i Juventus në Rai Radio1 në trasmetimin "Un giorno da Pecora", ku ka rrëfyer fëmijërinë e 19 vjecarit dhe preferencën e tij të dikurshme, që tani nuk do të kishte dashur tia thoshte askujt: "Ishte tifoz i Inter, sepse i pëlqente Oba Oba Martins. Kur dilnim bashkë më thoshte, të lutem më bli fanellën e Martins”. Pastaj Moise nisi të luajë seriozisht, fillimisht me fanellën e Torinos. "Unë e dërgova tek Juve sepse jam tifoz bardhezi. E dua ta shoh gjithnjë tek Juventus, që është në gjakun tim: unë jam i zi dhe gjakun e kam të bardhë".
Nuk e frekuenton shumë stadiumin i ati i Kean. Dëshira është por ka dicka që e pengon. "Kam një problem me shoqërinë bardhezi: nuk më japin më bileta për të shkuar në stadium". Biorou Jean Kean nuk e ka shtetësinë italiane, edhe pse e ka bërë kërkesën, duke qenë në Itali prej shumë vjetësh.
