Robert Aliaj do të vijë me një emision të vetin, por jo aty ku e kemi parë gjithnjë në televizionin “Klan”.
Ai ka qenë pjesë e panelit të “Dance With Me”, ndërsa tani do të jetë pjesë e ekranit me një format krejt ndryshe.
Roberti do të sjellë emisionin “Vetëm një natë” që do transmetohet çdo të shtunë në orën 22:30 në “Ora News”.
Siç kuptohet nga videot në Instagram, Roberti përgjatë çdo të shtune do të udhëtojë në vende të ndryshme të Shqipërisë për të sjellë më afër realitetin shqiptar.
Roberti do të përjetojë vetë aventurat e udhëtimit duke shëtitur me biçikletë, duke kapur peshq apo duke u njohur me histori të vërteta nga njerëz të thjeshtë.
Ai premton se emisioni do të jetë spontan, social dhe me humor.
