Artistë me famë botërore përfshirë Rihannën, Drake dhe J Cole i kanë bërë homazh reperit të ndjerë Nipsey Hussle, që u qëllua për vdekje në Los Angelos.
33-vjeçari u qëllua me armë përpara dyqanit të tij të veshjeve.
Drake e përshkroi Hussle si një njeri i respektuar, ndërsa Rihanna shkroi: “Shpirti im është tronditur nga kjo.”
Dy njerëz të tjerë u qëlluan nga të shtënat jashtë dyqanit Marathon Clothing në jug të Los Angeles.
Policia raportoi se i dyshuari i vrasjes është një burrë me ngjyrë.
Albumi debutues i Nipsey Hussle, Victory Lap, u nominua për ‘Albumin më të mirë rap’ në Grammy Aëards të këtij viti, ku u përball me Cardi B, Mac Miller, Pusha T dhe Travis Scott.
Në një postim në Instagram, Pusha shkroi: “Është i trishtueshëm largimi yt. Gjej paqe vetëm duke e ditur se je i bekuar. Jam i nderuar që ndava një vit muzikor me ty kaq të mahnitshëm.”
“Jam i mërzitur të dëgjoj këtë,”-shkroi Drake. “Neve na u kryqëzuan rrugët për herë të parë në kaq shumë vite dhe thamë se do sillnim një këngë të re këtë verë.”
Artistë të tjerë që kujtuan Nipsey ishin reperi J. Cole dhe producenti Pharrell Williams.
